* YAA MERE ALLAH! AAPNE KYA KHOOB DUNIYA BANAI HAI *
Kisko Kya Hassil Hai,
Jo Bhi Mila Wo Kismat Ka Khel hai,
Jo Nahi Mila Samjho Taqdeer Ka Tamasha Hai,
Yaha Har Chiz Yaa Mere Allah Aapki Marzi Se Hoti hai,
Aap Jab Chahe Nachaate Hai Aur Jab Chahe Mithate Bhi Hai,
Dukh Bhi Aap Hi Dete Hai, Sukh Bhi Aap Hi Dete Hai,
Ek Pal Me Khushiya Dete Hai,
To Dusre Pal Me Wo Hi Khushiya Chin Bhi Lete Hai,
Najaane Kyo Yaa Mere ALLAH Aap Aisa Karte Hai.....
Dard Dene Se Aapko Khushi Milti hai,
Yaa Fir Kisiki Yaado Me Kisiko Tadpane Se Aapko Mazaa Aata Hai,
Najaane Kyo Yaa Mere ALLAH Aap Aisa Karte Hai.....
Maana Ke Ye Duniyaa Aapne Hi Banai Hai,
Aur Yaha Aapki Hi Marzi Chalti hai,
Kahte Hai Log Yaa Mere Allah! Aapke Bagair Ek Patta Bhi Nahi Hilta Hai,
To Fir Iss Zamane Me Itni Bewafi Aur Nafrate Kyo Hai,
Duniya Me Mohabbat Ki Den Bhi Aapki Hi Hai,
Jab Mohabbat Aapne Banai Hai, To Fir Aapne Hi Bewafai Kyo Banai Hai,
Do Anjaan Dilo Me Chahat Bhi Aap Hi Jagate Hai,
To Fir Kyo Dil Milne Ke Baad Dilo Me Duriya Banate Hai,
Jab Do Dilon Ko Milake Bhi Judaa Karna Hi Hai,
To Fir Kyo Unhe Milate Ho Yaa Mere ALLAH!....
Najaane Kyo Yaa Mere ALLAH Aap Aisa Karte Hai.....
Milna, Bichadna Ye Aapka Hi Saara Khel Hai,
Agar Pyaar Me Insaan Jaan Deta Hai,
To Fir Yaa Mere ALLAH! Aap Zindgi Hi Kyo Dete Hai,
Ajab Hai Aapke Karam Yaa Mere ALLAH!
Aap Hasste Huye Insaan Ko Rulate Hai,
Aur Rote Huye Insaan Ko Hassate Kyo Hai,
Najaane Kyo Yaa Mere ALLAH Aap Aisa Karte Hai.....
Yaa Mere ALLAH! Ye Aapne Kyaa Sitam Kiyaa Hai,
WAH! MERE ALLAH! AAPNE KYA KHOOB DUNIYA BANAI HAI..........Rohi Shayara
